Aita Dermont-Stupan è naschida ils 19 d’avrigl 1957 a Sent ed ha abità blers onns en Surselva. Ella ha frequentà il seminari da magistras e magisters ils onns 1973-1978 e lavurà parzialmain sco magistra a Laax e Schluein. Plinavant ha ella frequentà curs da lingua a la Scola per linguistica applitgada a Cuira e lavurà sco translatura tudestg-rumantsch. Aita Dermont-Stupan ha scrit contribuziuns per il radio rumantsch e publitgescha columnas en la Quotidiana. Differents raquints curts ed istorgias d'uffants èn cumparids en chalenders ladins ed en antologias rumantschas.