Cun sias plimas da cuntrast alvas e nairas è il marel grond in da las pli bellas andas. La femna è colurada pli modestamain; ella ha in chau brin ed in corp grisch. Il marel grond maglia peschs e colonisescha pervia da quai auas ritgas da pavel, nua ch'el chatta en vischinanza cuvels per far ses gnieu en plantas u grips. El cua gugent era en chasettas da gnivar. Ils marels gronds ch'enverneschan en dumbers pli gronds sin nossas auas arrivan per part da la Russia e da la Scandinavia.

(Foto: HBD at the German language Wikipedia / CC BY-SA 3.0)