Ina da las caracteristicas dal gambun pitschen è si’eleganza. Quella sa mussa era durant il saut da copulaziun che sumeglia in ballet: cun sias lungas chommas cotschnas glischantas, cun ses pichel fin e cun ses vestgì da plimas plain cuntrasts appartegna el als utschels da palì ils pli gracils. En Europa cua il gambun pitschen oravant tut en la zona mediterrana. Tar nus cumpara el regularmain la primavaira e derasa lura in zic atmosfera mediterrana sper noss lais.

(Foto: Alnus / CC BY-SA 3.0)