Las elitas grischunas dal stadi e da la baselgia èn sa laschadas scolar fin lunsch sur il 1850 ora surtut a Turitg ed a Basilea – avant il 1800 50 % da tut ils students refurmads dal Grischun – sco era ad universitads tudestgas e (pli paucs) ad universitads talianas e franzosas. Ils students grischuns immatriculads en gimnasis ed academias derivavan da tut las classas socialas (qua tras eran garantidas las clamadas spiritualas), entant ch’ils students a las universitad eran fin viaden il 19avel tschientaner surtut figls da la signuria. [Tenor e-lir].