Il Club Alpin Svizzer (CAS) è l'organisaziun da tetg dals alpinists svizzers. Ella è vegnida fundada il 1863. Il 1864 è vegnida fundada a Cuira la secziun Rätia (emprima secziun grischuna dal CAS), suandada da las secziuns Tavau (1886), Silvaplauna (1890), Bernina (1891), Engiadina Bassa (1892), Piz Terri (1898), Arosa (1916), Valragn (1920) e Bergiaglia (1927). Il CAS ha surtut en mira d'avrir e perscrutar scientificamain las Alps, da promover l'alpinissem, il viandar en las muntognas ed il sport da skis ed, en il Grischun, d'organisar il servetsch da guids da muntogna, edir guids da viandar e far turas, organisar l'agid d'urgenza e construir, mantegnair ed administrar las chamonas dal club. [Tenor e-lir].