Ils sistems d’utilisaziun dal terren agricul applitgads en il temp medieval eran per regla concepids per l’autoprovediment. En il temp medieval tardiv è l’economia agropastorala, che cumbinava la cultivaziun dad ers e l’allevament da muvel, passada en Rezia – sco en l’entir territori alpin – gradualmain a l’allevament da muvel. Suenter il 1800 ha la revoluziun industriala fatg fin cun la subsistenza e l’agricultura ha pers cuntinuadamain impurtanza. Dapi il 1950 sa diminueschan las entradas dals purs da muntogna constantamain, uschia che adina dapli purs, oravant tut quels pli pitschens, ston capitular. [Tenor e-lir].