Il vitg da Pigniu è situà a 1288 m al pe dal Veptga. Pigniu era eventualmain ina culegna averta dals d'Andiast a la veglia transversala da las Alps dal Glaruna al Lucmagn. La baselgia da S. Valentin, consecrada il 1465, ha constituì in lieu da pelegrinadi retschertgà en il 17avel tschientaner. Il 1799 è Pigniu vegnì sblundregià da l'armada russa da Suvorov ch'ha traversà il Veptga. La via chantunala tranter Pigniu e Rueun è vegnida construida pir en ils onns 1921-23. Las Ovras electricas Glion SA exploteschan forza electrica dal lai da fermada da Pigniu. Dapi il 2014 fa Pigniu part da la vischnanca dad Ilanz/Glion. [Tenor e-lir].

(Foto: Adrian Michael / CC BY-SA 3.0)