La vischnanca da Laax è situada sin ina pitschna terrassa sin la spunda nord da la Val dal Rain Anteriur e cumpiglia las fracziuns da Salums, Cons, Uletsch, Staderas e Murschetg. Craps-scalutta megalitics a Crap Fraissen attesteschan ina preschientscha umana da l'epoca preistorica. In veritabel abitadi è dentant sa constituì pir en il temp autmedieval tras runcadas effectuadas da purs libers da lingua rumantscha. Il svilup da Laax ad in lieu da cura climatic ha cumenzà a la fin dal 19avel tschientaner cun l'avertura da l'emprim hotel, il Seehof. Il grond boom turistic ha inizià en ils onns 1960-70. [Tenor e-lir].

(Foto: Adrian Michael / CC BY-SA 3.0)