Situà a la via da transit da Sursaissa al Cuolm Val, è Morissen s'unì economicamain en il temp medieval tardiv cun Surcuolm, il vischinadi «da l'autra vart da la muntogna». Il 1630 èn las duas vischnancas sa separadas en consequenza d'in conflict permanent per l'utilisaziun dal guaud e da la pastgira sin la spunda nord dal Piz Mundaun. La vischnanca purila rumantscha, basada sin l'allevament da muvel e l'economia da latg, ha realisà il 1973-79 ina meglieraziun generala. Dapi il 2013 fa Morissen part da la vischnanca da vallada Lumnezia. [Tenor e-lir].

(Foto: Adrian Michael / CC BY-SA 3.0)