Tenna è in vitg da lingua tudestga situà sin ina terrassa al vest da la Val Stussavgia. A l'anteriura vischnanca appartegnevan er las fracziuns dad Ausserberg, Mitte, Innerberg e, ca. 400 m pli bass a la via chantunala, Acla ed Egschi. La regiun furmava in anteriur territori d'alp da Valendau. En la segunda mesadad dal 14avel tschientaner èn immigrads Gualsers a Tenna, probablamain sin iniziativa dals Werdenbergs ch'han exercità la suveranitad territoriala fin il 1383. Dapi il 2013 fa Tenna part da la vischnanca Val Stussavgia. [Tenor e-lir].

(Foto: Adrian Michael / CC BY-SA 3.0)