Versomi (Versam) è in'anteriura vischnanca en la part sut da la Surselva situada lung la via, cun Versomi-Staziun, Arezen, Calörtsch, Sculm e divers bains sur la chavorgia dal Rain Anteriur ed a l'entrada en la Val Stussavgia. La regiun furmava guaud roial durant il temp autmedieval, cun insaquants paucs bains abitads da Rumantschs. A partir da la segunda mesadad dal 14avel tschientaner èn sa domiciliads Gualsers da lingua tudestga en las zonas perifericas da Versomi. En il 15avel tschientaner è la vischnanca vegnida germanisada cumplettamain. Dapi il 2013 fa Versomi part da la vischnanca Val Stussavgia. [Tenor e-lir].

(Foto: Adrian Michael / CC BY-SA 3.0)