La vischnanca da Trin è situada a la via principala tranter Tumein e Flem, cun las fracziuns da Trin Digg e Trin Mulin. Trin vegn attribuì a la Surselva, giascha geograficamain dentant «sut la Selva» (da Flem). Scuverta da craps-scalutta dal temp preististoric, plinavant da fragments da recipients dal temp da bronz e dal temp roman sin il Crap Sogn Barcazi. Il chastè da Canaschal, ina fortezza prestanta dal Crap S. Barcazi situada a l'ost da la baselgia, è vegnì bandunà en il 15avel tschientaner. Ferma emigraziun commerziala en l'Italia (oravant tut da las famiglias Caflisch) durant il 19avel tschientaner. Dapi il 1994 vegn il traffic da transit en Surselva svià cun in tunnel. [Tenor e-lir].

(Foto: Adrian Michael / CC BY-SA 3.0)