Buond (Bondo) è in vitg a mantun en la part inferiura da la Bergiaglia a l'entrada en la Val Bondasca, cun Promontogno e Castelmur, las culegnas bandunadas da Casnac e Bondea e diversas aclas sin las spundas al sid dal vitg ed en la Val Bondasca. Ils edifizis profans ils pli impurtants èn il Palazzo Scartazzini (1690), il Palazzo Cortini sin la Piazza (1763, oz Scartazzini) ed il Palazzo Salis (1765-74). Tranter Buond e Promontogno sa chatta ina gruppa da tschalers da vin (Crot). Svilup d'in turissem da stad moderà dapi la fin dal 19avel tschientaner. Dapi il 2010 fa Bondo part da la vischnanca da vallada. [Tenor e-lir].

(Foto: Adrian Michael / CC BY-SA 3.0)