Tenor l'acta da fundaziun dal 1084 han ils vischins libers da Lüen (da lingua rumantscha) dotà la baselgia da S. Zeno, gist construida, cun agens bains e regalà ella a l'uvestg da Cuira. Quest document permetta da supponer ina colonisaziun intensiva cun cultivaziun dad ers (chonv), pumicultura ed allevament da nursas. La via da la val, situada 200 m sur il vitg, è vegnida construida en ils onns 1875-77; la staziun Lüen-Castiel da la lingia da viafier per Arosa e la centrala electrica èn vegnidas realisadas il 1914. Il medem onn è succedida l'electrificaziun a Lüen. Dapi il 2013 fa Lüen part da la vischnanca dad Arosa. [Tenor e-lir].

(Foto: Adrian Michael / CC BY-SA 3.0)