En il temp da transfurmaziun da la veglia Republica da las Trais Lias e la fundaziun dal chantun Grischun l'onn 1803 è er il Grischun stà involvà en las Guerras da coaliziun. Qua be in per terms da quests onns da guerra: invasiun da truppas austriacas l'onn 1798; deportaziuns; battaglia a Mustér il mars 1799; sullevaziun dal «landsturm» sursilvan e battaglia a Rehanau il matg 1799 (cun l'eroxa Onna Maria Bühler a Domat); truppas da general Lecourbe en Engiadina; las truppas russas sut general Suvorov a Pigniu; la traversada dal Spleia tras truppas da general Macdonald.