En ina tscherta famiglia èsi disa ch’il bab dat in anè ertà, ordvart custaivel, a ses figl preferì. Quai va vinavant fin ch’in bab muribund na vul favurisar nagin da ses tres figls. Nathan: «Tge far? El cloma dascus in aurer e l’emposta auters dus anels, cumandond da far ils novs precis sco il vegl, senza spargnar custs e fadia». Lura dat el in anè a mintga figl; suenter sia mort è mintgin persvas da posseder quel dals babuns. Uschia, concluda Nathan, statti cun las trais religiuns; mintgina sa funda sin la confidenza dals descendents envers las tradiziuns da lur agens babuns. [Tenor LQ].

(Foto: PD via Wikimedia Commons)