Ils emprims sturnels returnan gia baud la primavaira tar nus da lur quartier d’enviern en l’Europa dal sid. Alura aud ins dapertut lur chant d’imitaziun fitg varià. Il sturnel cua en taunas è po s’adattar bain. El prenda quartier en vegls gnieus da pitgalains, sfessas da mirs u chasettas da gnivar e chatta era in lieu da gnivar sut las tievlas dal tetg ed en pitgas d’auta tensiun. Perquai che l'uman ha transfurmà la cuntrada è il sturnel daventà in dals utschels il pli numerus da noss continent. L’atun e l'enviern furma el rotschas immensas che pon donnegiar fermamain la vignas, la fritga e las ulivas.

(Foto: Marek Szczepanek / CC BY-SA 3.0)