Ils poets han glorifitgà las lodolas pervia da lur bel chant sco ambassaduras da la primavaira e trubaduras da l’aria. Ina bun’ura da primavaira ora en la natira udind il chant da la lodola è in mument nunemblidaivel. Cunquai ch’ella n’interrumpa betg ses chant durant trair il flad, po ella chantar trais enfin quindesch minutas. Chantond sgola il mastgel da la lodola en spiralas cunter tschiel e cunfinescha qua tras ses territori envers auters utschels.

(Foto: Ralf Zierold / pixelio)