Il solstizi da stad han ils umans gia adina considerà sco di mistic che vegn savens accumpagnà da festivitads profanas e religiusas. Pli baud cartev’ins che la natira saja magica la notg da mesa stad. Dialas sautavan e follets stevan davos las plantas. Pli gronda ch'è la differenza tranter l’enviern dir e la stad chauda e pli festiv che quest di vegn celebrà. En l’Europa dal Nord han festas dal solstizi da stad ina muntada bler pli gronda che p.ex. en las regiuns dal Mar Mediterran. Dapi la cristianisaziun da l’Europa han questas festas savens lieu ils 24 da zercladur, pia il di da s. Gion Battista. [Tenor Terra Grischuna].

(Foto: Talskiddy at en.wikipedia / CC BY-SA 3.0)