La totalitad dals carstgauns da lingua englaisa ha num ils Anglosaxons. Quest pled fa endament dus pievels germans antics da la riva dal Mar dal Nord, penetrads en Gronda Bretagna en pliras undas davent da la fin dal quart tschientaner suenter Cristus. Ils Saxons vegnivan dal pajais numnà oz Saxonia Bassa, ils Angals dal Schleswig-Holstein odiern, nua ch'ina cuntrada ha anc num Angeln. Ils dialects ch’i discurrivan furman la basa da l’englais dad oz, cun pleds ch’ins dovra mintga di, sco «drink», «hand», «house», «man», «water», «work» ch’ins chapescha senza fadia sch’ins sa gia tudestg. En egl dat plinavant il grond dumber da pleds englais che derivan dal franzos medieval. [Tenor LQ].

(Foto: David Iliff / CC BY-SA 3.0)