Las linguas slavas furman ina sutgruppa da las uschenumnadas linguas satem entaifer las linguas indogermanas. Ins differenziescha per regla tranter slav da l’ost, slav dal vest e slav dal sid. Radund 300 milliuns discurran ina da las 20 linguas slavas sco lingua materna. Lunschor la gronda lingua slava è il russ cun radund 145 milliuns pledaders. I suondan l’ucranais ed il polac cun mintgamai radund 50 milliuns pledaders.