Il mund da la Swissair è stà ditg en urden. La societad aviatica fascheva reclama cun las valurs classicas da la Svizra, sco p.ex. la fidaivladad, la qualitad e l’ospitalitad. Ella era in object d’identificaziun. Ma la situaziun politica ed economica en Europa, la crisa generala en l’aviatica e las consequenzas dals attentats terroristics dals 11 da settember 2001 han manà al concurs da la gruppa Swissair. Il punct culminant da la crisa è stà ils 2 d'october 2001 cun l’uschenumnà «grounding» che ha destruì l’image da la fidaivladad svizra. Causa mancanza da liquiditad èn vegnids annulads quel di tut ils sgols, ils aviuns èn restads per terra. [Tenor Timeline].

(Foto: Ork.ch / CC BY 2.0)