Seite drucken   Fenster schliessen
 
Il desert d'Atacama
Tranter l’Ocean Pacific e la pizza da las Andas

Il toponim Atacama designa il desert il pli vegl, il pli aut, il pli setg ed il pli ostil. El s’extenda sin strusch 1500 km, dal Chile dal Nord enfin al Peru dal Sid, tranter la pizza da las Andas encunter l’ost, per part pli auta che 6000 m, e quella da la chadaina da la riva, pli modesta, encunter vest. La vasta planira da l’Atacama Centrala è in mund da sablun, gera e grippa. Quai è il reginam dal sulegl ardent e da las notgs fitg fraidas, cun flums da sablun, cuntradas senza puncts da sustegn ed in tschiel en colur blaua profunda, uschè liber da nivels ch’astronoms fan bivac là per observar las stailas. [Tenor LQ].

(Foto: Luca Galuzzi – www.galuzzi.it / CC BY-SA 2.5)



11 - 20 da 3446

 

chatta.ch