En il linguatg da mintgadi numn'ins il «neerlandais» per regla «ollandais» u «flam», tut tenor sch’i sa tracta da la lingua dals Pajais Bass u da Belgia. Questa disa sugerescha ch’i dettia là duas linguas differents. Ma quai n'è betg il cas: Per ils 17 milliuns Ollandais e passa 6 milliuns Flams en Belgia vala dapi decennis in standard cuminaivel numnà «Algemeen beschaafd Nederlands». En pli è l’ollandais/flam la lingua materna u la segunda lingua da blera glieud en Surinam, nua ch’el è er la lingua uffiziala da l’instrucziun e da las autoritads. [Tenor LQ].

(Foto: Redshirt / CC BY-SA 2.5)