Blers din che la puma-culaischen saja da tissi. Ils utschels en tutta cas la maglian fitg gugent. E pelvaira: da tissi è la puma-culaischen betg zic! Il cuntrari, ella tutga tar las grondas bumbas da vitamins. Substanzas amaras tannin, acids da citrona, da maila, da vin e da parasorbin, ielis eterics, sorbit, glicosids e fitg bler vitamin C: Tut quai dat a quest fritg la muntada enorma ch’ella aveva pli baud. Numnada «citrona dal nord» vegniva la puma-culaischen er duvrada sco medeschina cunter la malsogna scorbut, surtut en las terras scandinavicas durant temps da miseria. [Tenor LQ].

(Foto: W.J. Pilsak at the German language Wikipedia / CC BY-SA 3.0)