La noziun pauperesser subsumescha la totalitad da las mesiras prendidas per impedir, mitigiar u dismetter la paupradad. Il dretg medieval n'enconuscheva nagina assistenza statala e nagina punibilitad per batlegim ed oziusadad vaganta. Per la tgira dals paupers uffants da Dieu era responsabla la Baselgia. Pauperissem da l'autra vart è ina noziun duvrada en il 19avel tschientaner per designar la miseria generala provocada tras l'industrialisaziun tranter ils lavurers appartegnents al proletariat, q.v.d. a la classa sociala senza possess. [Tenor e-lir].

(Foto: PD via Wikimedia Commons)