Mintg’onn datti 26 000 accidents da velo, 1600 cun grevas blessuras dal chau. Ina chapellina da velo mitigescha il culp en cas d’ina collisiun e reducescha las blessuras dal chau per 70 %. Sin far notg, la notg e sche l’aura pretenda er il di ston velos plinavant esser illuminads cun ina glisch alva vers enavant e cun ina glisch cotschna vers enavos. Ultra da quai vegnan prescrits reflecturs – davant alvs e davos cotschens – sco er dus pedals glischants. Plinavant vegni cusseglià a ciclistas ed a ciclists da purtar vestgadira clera u materials reflectants la notg u sin far notg.