Mo in da dus milliuns uffants patescha da la malatia numnada dals spezialists Craniopharyngeom. Tge consequenzas che quest tumor benign en il tscharvè po avair per in uffant descriva il cudesch da Jürg B. «Diagnose Hirntumor» – quai è l’autobiografia d’in giuven uman, il qual vegn confruntà en la vegliadetgna dad otg onns cun la diagnosa desastrusa. Enstagl d’ina bell’uffanza ed onns da giuventetgna senza quitads daventa centrala per el la malsogna, las operaziuns e las consequenzas da quellas. [Tenor LQ].