La vesida è il senn il pli impurtant. Ella furnescha a nus 80 pertschient da las infurmaziuns. Per che quellas vegnian transfurmadas en maletgs en noss chau, dovri process fitg cumplexs. La lenta producescha ensemen cun il corp transparent da schel sin la raitina in maletg dal mund exteriur che stat sin il chau. Las cellas sensitivas en la raitina transmettan lur signals al gnerv da l'egl. Quel dat vinavant ils impuls al tscharvè intermediar e da là van els en il center da vesida dal tscharvè grond.

(Foto: Caduser2003 at ml.wikipedia / CC BY-SA 2.5)