L'onn 1921 è entrada en vigur la lescha chantunala davart ils emprendissadis. Dapi alura exista in'obligatori da scolaziun cun in examen final. Il 1934 è vegnì creà l'Uffizi chantunal per emprendists (oz Uffizi da furmaziun professiunala); dapi il 1954 stattan a disposiziun cussegliaders da professiun. Il 1983 è entrada en vigur la lescha actuala davart la furmaziun professiunala. Scolas professiunalas spezialisadas en il Grischun èn: il Plantahof a Landquart (Scolas da purs e puras) las anteriuras scolas da puras a Glion ed Aschera e da purs a Lavin, la Scola da selviculturs a Maiavilla e la Scola da dunnas dal Grischun a Cuira (oz integrada en la Scola auta da pedagogia dal Grischun). [Tenor e-lir].

(Foto: Karl-Heinz Laube / pixelio)