L'onn 1907 ha il suveran grischun acceptà, cunter la resistenza vehementa da las assicuranzas privatas, l'Assicuranza chantunala obligatorica, en vigur dapi il december 1912. Questa assicuranza segirescha tut ils objects cunter incendi e dapi il 1932 era cunter auters donns elementars, garantescha la protecziun preventiva cunter incendis e sustegna ils pumpiers cun contribuziuns, material, scolaziun ed inspecziuns. Novissimamain èn assicurads era ils custs per stizzar fieus. Dapi il 1972 è l'Institut d'assicuranza d'edifizis in institut independent da dretg public cun sedia a Cuira. [Tenor e-lir].

(Foto: RainerSturm / pixelio)