Ils raquints da Heidi, scrits 1880/81 da Johanna Spyri, figureschan tranter ils raquints per uffants ils pli famus en Svizra ed en il mund insumma. Las numerusas adattaziuns per film e televisiun, radio e tribuna dattan perditga dal grond success da Heidi. Il film da dissegns animads realisà en il Giapun il 1974 è vegnì emess en l'entir mund. Il film american, registrà en l'Engiadina il 1937, ha fatg da Grevasalvas sur il Lej da Segl la regiun classica da Heidi. che vegn era commerzialisada per intents turistics. Era Maiavilla e ses conturn, nua ch'ins crai da disponer cun Guscha dal model per il vitget e l'alpetta da Heidi, vulan però profitar da l'effect da reclama da quella figura. [Tenor e-lir].