L'urticla è ina planta indicativa che flurescha dal zercladur al settember en terra umida e bain ladada. L'urticla ha dapertut sin il moni e sin la feglia chavelins ch'urticlan. Sch'ins als observa sut il microscop vesan ins lur furma da buttiglia e las glondas. Il venter enserra il tissi, il culiez porta in chauet. Cur ch'ins tutga in tal rumpa il chauet giu, uschia ch'il piz dal culiez po sa furar en nossa pel e laschar currer il tissi en la plaja. L'urticla po er vegnir utilisada en cuschina. [Tenor Flurs da prada].

(Foto: Michael Gasperl / CC BY-SA 3.0)