Trun è ina vischnanca politica situada en la part sut da la Cadi. La vischnanca cumpiglia er ils aclauns e bains da Cumadè, Bardigliun, Campliun, Gravas, Caltgadira, Cartatscha, Flutginas, Darvella, Lumneins e la fracziun da Zignau. Dapi il 2012 appartegna er Schlans a la vischnanca politica da Trun. A Trun è vegnida fundada il 1424 la Lia Sura/Lia Grischa, e fin il 1798 è Trun stà il lieu da dretgira, fin il 1814 il lieu da dieta da la Lia Grischa. A si'impurtanza sco lieu central regordan l'ischi, la chaplutta da S. Onna e la Cuort Ligia Grischa. [Tenor e-lir].

(Foto: Adrian Michael / CC BY-SA 3.0)