Ils 19 da zercladur 1797 ha declerà il Cussegl da la Vuclina, suenter avair determinà ils plis, la val sco libra ed independenta, ha tramess als Grischuns la brev da desditga ed ha relaschà ils uffiziants grischuns. A la fin d'october 1797 ha Napoleun communitgà a la deputaziun grischuna l'uniun irrevocabla da la Vuclina cun la Republica cisalpina. Apaina ch’ils Vuclinais èn stads independents, han els preparà il proxim culp encunter il Grischun: In comité ch’era consentì da Napoleun ha decretà la confiscaziun da tut la facultad privata dals Grischuns en las trais valladas.