La viticultura para d'avair gì sia culminaziun en il Grischun en il temp medieval tempriv. Dapi il temp medieval tardiv sa limitescha ella numnadamain sin las regiuns climaticamain favuraivlas tranter Fläsch e Tusaun e sin ils stgalims bass da las vals dal sid cun ina durada suffizienta da sulegl, l'absenza quasi totala da tschajera e da tempesta e pauca plievgia. Tranter il 1804 ed il 1956 è la viticultura sa diminuida fermamain. Grazia a novas metodas da cultivaziun ed a la dumonda creschenta da vins da qualitad indigens, han ins pudì avrir novas vignas a Favugn e Fläsch, da maniera ch'ins ha puspè cuntanschì il 1981 quasi la surfatscha da vignas dal 1800. [Tenor e-lir].

(Foto: Alberto Vaccaro / CC BY 2.0)