mesPledaris è ina purschida online da quatter pledaris rumantsch-englais, rumantsch-tudestg, rumantsch-franzos e rumantsch-talian e cuntrari. Il stgazi da pleds dumbra 7700 chavazzins e cuvra la gronda part da las situaziuns linguisticas dal mintgadi. Il bab dals pledaris, l’Englais Mike Evans, ha realisà l’onn 2004 la versiun englaisa myPledari. Dapi l’onn 2006 exista la versiun extendida che resguarda supplementarmain tut las linguas naziunalas da la Svizra. pledari.ch sa drizza a persunas ch’emprendan rumantsch sco er a scolaras e scolars. Ina da las spezialitads dal vocabulari è l’integraziun da tut ils tschintg idioms sper il rumantsch grischun.