Trais regiuns dominantas caracteriseschan il chantun Sviz: il fop da Sviz en la part dadens dal chantun, las cuntradas Höfe e March en la part dadora dal chantun e tranteren la regiun Nossadunnaun ed Ybrig. Grazia a sia posiziun centrala en curta distanza dals centers da Turitg, da Lucerna e da Zug sco er grazia a la politica da finanzas e da taglia a lunga vista ha il chantun Sviz pudì sa sviluppar en moda imposanta durant ils ultims decennis. Cuntradas singularas sco la muntogna da carst e sco il guaud selvadi alpin en il Muotathal fascineschan gist uschia sco la vista panoramica dal Mythen, dal Fronalpstock e dal Rigi. [Tenor www.ch.ch].

(Foto: Wici / CC BY-SA 2.5)