Il Grischun furnescha passa in tschintgavel da l'electricitad svizra che vegn producida cun forza idraulica. Dapi il 2000 ha gì lieu ina concentraziun da las societads acziunaras che mainan las ovras idraulicas e dals acziunaris e las holdings che portan questas societads. Las societads da Brusio, Claustra e Tusaun han fusiunà il 2000 a la Rätia Energie che sa numna dapi il 2010 Repower. Ulteriurs «gigants» en il Grischun en la Alpiq cun sedia a Losanna, l'Axpo a Baden (enfin il 2009 Nordostschweizerische Kraftwerke) u l'EWZ a Turitg. Daspera datti er bleras ovras idraulicas mesaunas e pitschnas en il Grischun.

(Foto: Thorben Wengert / pixelio)