Pli baul manegiav’ins ch’ins duaja emblidar il linguatg matern per emprender quel da la scola. En l’Alsazia, suenter l’annexiun da 1919, han las autoritads franzosas proclamà ch’ils uffants duajan «mintga di emblidar in pled tudestg per emprender in pled franzos». Oz perencunter san ins ch’il segund linguatg (L2) po sa sviluppar mo sche l’emprim (L1) progredescha vinavant. Perquai promovan ins oz adina dapli ils curs da lingua e cultura d’origin. Quai tant pli che las linguas e culturas da tut il mund sa scuntran pli e pli (foto: festa tamila entamez l'Europa). [Tenor LQ].

(Foto: Mai-Linh Doan / CC BY-SA 3.0)