Sin ina charta geografica da la Svizra occupa Neuchâtel ina posiziun perifera, sper il cunfin dal pajais. Ma en verdad èn la citad e ses chantun enragischads amez l’Europa, sper la via al pe dal Giura fin a la Savoia, ma colliada cun l’autra vart da la chadaina tras la Val da Travers. Da Neuchâtel era cusseglier federal Max Petitpierre (1899–1994); ma il figl forsa il pli renumà da Neuchâtel è stà Denis de Rougemont (1906–1985), filosof dal federalissem europeic ed ecologic. Dapi il temp dals ughenots beneventa Neuchâtel adina puspè er gruppas d'immigrants. [Tenor LQ].

(Foto: Martouf / CC BY-SA 3.0)