La retscha da films «Construir la Svizra» maina tras differentas regiuns da la Svizra e mussa dapli che pura architectura. Architects ed inschigners han gidà a dar la tempra che fa ora la Svizra. Cun «Construir la Svizra» preschenta la SRG SSR en collavuraziun cun la Societad svizra dals inschigners ed architects (SIA) 13 edifizis ch’èn soluziuns architectonicas exemplaricas. Il film rumantsch «In vitg auters che tschels» dad RTR mussa co che la vischnanca da Vrin e daventada in lieu da pelegrinadi d'architectura per amaturs da l'entir mund. Tut ils films datti era sin DVD. Tar la retscha da films tutga in cudesch cun texts curts e skizzas davart ils singuls projects. Il cudesch è vegnì redigì en tudestg, franzos, talian, rumantsch ed englais.