L'Imperi roman ha prendì possess avant radund 2000 onns da grondas parts da l'Europa. Questas conquistas han er gì grondas consequenzas linguisticas: Sper las linguas germanas e slavas furman las linguas neolatinas, pia las linguas derivantas dal latin, la terza gronda gruppa da linguas europeicas. Per regla quintan ins las suandantas linguas tar questa gruppa: Rumen, talian, rumantsch/ladin/furlan, piemuntais, franzos, provenzal, catalan, spagnol e portugais. Ils texts en agiunta dattan ina survista da las soras dal rumantsch en lur svilup istoric e lur situaziun actuala.

(Foto: ds / pixelio)