Il 1. da matg 2004 èn otg pajais da l’Europa centrala ed orientala (l’Estonia, la Lettonia, la Lituania, la Pologna, la Republica slovaca, la Slovenia, la Republica tscheca e l’Ungaria) sco era Malta e Cipra daventads commembers da l’Uniun europeica (UE). Questa extensiun da l’UE signifitgescha definitivamain la fin da la divisiun da l’Europa e da la guerra fraida. L’extensiun vers l’ost è in pass decisiv en favur da la pasch, da la stabilitad e da la prosperitad en l’entira Europa. Era per la Svizra, che n’è betg commembra da l’UE, è quai in eveniment impurtant. Quest cudeschet infurmescha davart ils aspects da la circulaziun da persunas tranter la Svizra ed ils diesch novs commembers da l’UE.

(Foto: Joerg Trampert / pixelio)