Il tartuffel è vegnì importà en l'Europa da l'America dal Sid en ils onns 1565-85. L'emprima cultivaziun en il Grischun ha gì lieu l'onn 1717 a Marschlins, l'emprim sco planta decorativa, alura sco pavel. Sco past uman è il tartuffel attestà en il Grischun l'emprima giada il 1758. Sco aliment n'aveva il tartuffel nagina impurtanza fin en ils onns da fomina dal 1771-73. Suenter il 1800 è el alura sa fatg valair dapertut ed ha provocà grondas midadas socioculturalas ed economicas. [Tenor e-lir].

(Foto: Codename at pl.wikipedia / CC BY-SA 2.5)