La religiun gidieua sa basa sin las tradiziuns religiusas dal pievel gidieu. En il decurs da l’istorgia dal giudaissem èn sa sviluppads ina retscha da princips da basa religius ch’ils Gidieus ston suandar pli u main, sch’els vulan far part da la cuminanza religiusa e viver tenor las ideas da la cardientscha gidieua. Per il giudaissem è il senn da la vita da resguardar las leschas divinas, per exempel la veneraziun da Dieu ed il respect da sia voluntad. Las reglas ed ils cumandaments divins èn rimnadas en il tanach che vegn discutà ed interpretà en il talmud ed en il midrasch. [Tenor Vichipedia].