L’istorgia dal segund grond pajais dal continent african è marcada da differents reschims che al regnavan e dominavan: dals Berbs, Arabs, Spagnols, Tircs, Franzos. Il 19avel ed il 20avel tschientaner èn caracterisads dal domini franzos. L’onn 1830 han ils Franzos cumenzà cun la conquista dal pajais. Enturn il 1900 è l’Algeria daventada in departament da la Frantscha e l’onn 1947 èn tut ils Algerians daventads burgais franzos. Dapi ils onns 1930 han ils Algerians cumbattì per lur independenza. Suenter la Guerra da l’Algeria (1954-1962) han els finalmain obtegnì quella.