Murmarera è in abitadi en la part superiura dal Surses. Oriundamain era il vitg situà lung la via dal Set e dal Güglia, oz giascha el sin la spunda ost sur il Lai da Murmarera. Fin il 1950 vivevan en il vitg surtut purs da muntogna ch'avevan chattà dapi il temp medieval in'occupaziun supplementara en la vituraria ed en il traffic sur ils pass. Cun l'avertura da la viafier da l'Alvra (1903) ha cumenzà l'emigraziun. Il 1948 ha la radunanza communala accordà la concessiun per la construcziun d'in lai da fermada; il 1954 è il vegl vitget vegnì sut aua. Dapi il 2016 fa Murmarera part da la vischnanca da vallada Surses. [Tenor e-lir].

(Foto: Adrian Michael / CC BY-SA 3.0)