La Val Calanca ha ina surfatscha da 121,17 km². La Calancasca che percurra la val sbucca a Grono en la Moesa. La vallada posseda gronds guauds da pigns e lareschs che vegnivan explotads en temps passads. La suletta industria è quella da las chavas da granit ad Arvigo ch'exporteschan il crap dumandà er en la Svizra tudestga ed a l'exteriur; pli baud vegniva elavurà a Cauco er il crap da lavetsch. [Tenor e-lir].

(Foto: Markus Bernet / CC BY-SA 2.5)