La Saxonia-Anhalt (strusch 2,5 milliuns olmas), limitrofa da la Saxonia bassa, correspunda per gronda part a quella provinza da Saxonia che la Prussia ha creà ils 30 d’avrigl 1815, enturn la veglia citad da Magdeburg sco chapitala. Ina descripziun da 1900 constatescha: «La provinza da Saxonia è ina spira creaziun istorica senza unitad geografica. Encunter sidvest fa’la part da las muntognas mesaunas tudestgas, encunter nordost da la planira da la Germania dal nord». Ma l’intschess da lezza provinza è stà savens da gronda relevanza per l’Europa. [Tenor LQ].

(Charta: Wiki-vr / CC BY-SA 3.0)